ភ្នំពេញ៖ អាជីវករនៅតាមបណ្តោយផ្លូវរថភ្លើង (ផ្លូវផ្សារដីហុយ) ក្នុងរាជធានីភ្នំពេញ កំពុងមមាញឹកនឹងបេះស្លឹក រៀបចំចង តែងមែក និងស្រោចទឹកដើមផ្កាអង្គាសីល ដែលកាប់មកពីខេត្តពោធិ៍សាត់ ត្រៀមលក់សម្រាប់បុណ្យចូលឆ្នាំចិន-វៀតណាម នៅថ្ងៃទី២៨ មករា ខាងមុខ។

រុក្ខជាតិអង្គាសីល ជារុក្ខជាតិម្យ៉ាងដែលត្រូវបានគេយកផ្កា និងដើមតាំងលម្អគេហដ្ឋាននៅក្នុងពិធីបុណ្យចូលឆ្នាំចិន វៀតណាម ដើម្បីនាំមកនូវលាភសំណាង ហុងស៊ុយ មានសេចក្តីចម្រុងចម្រើន រកទទួលទានមានបាន។ល។ ដើមផ្កាអង្គាសីល មានផ្កាពណ៌លឿង ដែលរីកឆាប់រហ័ស នៅពេលគេដាក់មែកវាទៅក្នុងទឹក ពិសេសទឹកក្តៅឧណ្ហៗ រីឯឫសរបស់វា តាមក្បួនឱសថបុរាណ អាចប្រើជាថ្នាំជួយរំលាយអាហារបានផងដែរ។

អាជីវករដែលកំពុងថែទាំដើមផ្កាអង្គាសីលទាំងនោះ នៅតាមបណ្តោយផ្លូវរថភ្លើងនាម្តុំផ្សារដីហុយ បានឱ្យដឹងថា ដើមផ្កាអង្គាសីលទាំងអស់អាចនឹងត្រូវប៉ាន់ ឬមានភ្ញៀវរកទិញចាប់ពីថ្ងៃទី២៥ ទៅរហតូដល់ថ្ងៃទី២៨ មករា ដែលជាថ្ងៃសែនចូលឆ្នាំចិនតែម្តង៕

នាំមកជូនដោយ