ភ្នំពេញ៖ ធនាគារជាតិនៃកម្ពុជា នឹងរៀបចំកម្មវិធីផ្សព្វផ្សាយស្តីពី «ប្រាក់រៀល ប្រព័ន្ធបាគង និងប្រព័ន្ធខេអេចឃ្យូអរ (KHQR)» នៅថ្ងៃទី៣០ ខែកក្កដា ឆ្នាំ២០២៤ ដែលស្ថិតនៅសួនច្បារសម្តេចអគ្គមហាធម្មពោធិសាល ជា ស៊ីម ក្នុងខេត្តព្រៃវែង។ នេះបើតាមការចុះផ្សាយរបស់ធនាគារជាតិនៃកម្ពុជា នាថ្ងៃទី២៣ កក្កដា។

កម្មវិធី«ប្រាក់រៀល ប្រព័ន្ធបាគង និងប្រព័ន្ធខេអេចឃ្យូអរ (KHQR)» នេះ មានការប្ដូរក្រដាសប្រាក់រៀល ចាស់ ទក់ រហែក ទៅជាក្រដាសប្រាក់រៀលថ្មីដោយឥតគិតថ្លៃជូនប្រជាពលរដ្ឋ, ការតាំងពិព័រណ៍ និងការប្រគុំតន្ត្រីផងដែរ។ ក្នុងកម្មវិធីនេះដដែល សាធារណជន ក៏អាចចូលរួមដោយសេរី ចាប់ពីម៉ោង ៨:៣០ព្រឹក ដល់ ៧:០០ ល្ងាច៕