ភ្នំពេញ៖ ការចំណាយក្នុងការប្រើប្រាស់ 5G មិនមែនកំណត់តាមបច្ចេកវិទ្យា 4G ឬ 5G ទេ ប៉ុន្តែអាស្រ័យទៅលើ កញ្ចប់ទិន្នន័យ (Data Package) និងបរិមាណទិន្នន័យដែលអ្នកប្រើប្រាស់។ នេះបើតាមការបញ្ជាក់របស់គេហទំព័រកម្ពុជាឆ្ពោះទៅរកឌីជីថល។

5G គឺជាបច្ចេកវិទ្យាសេវាទូរសព្ទជំនាន់ទី៥ ដែលមានល្បឿនអ៊ីនធឺណិតលឿនជាង 4G និងមានការឆ្លើយតបលឿន (Low Latency)។ ដូច្នេះ ប្រសិនបើប្រើប្រាស់ទិន្នន័យដូចគ្នា តម្លៃអាចស្មើគ្នា ឬខុសគ្នាបន្តិចប៉ុណ្ណោះពី 4G។ ទោះយ៉ាងណា 5G ផ្តល់បទពិសោធប្រើប្រាស់ល្អជាង 4G ដូចជា៖ មើលវីដេអូគុណភាពខ្ពស់បានរលូន, លេងហ្គេមអនឡាញដោយគ្មានពន្យារពេល និងទាញយកឯកសារបានលឿន និងមានប្រសិទ្ធភាព៕