ភ្នំពេញ៖ ពិព័រណ៍កសិកម្មកម្ពុជា ឆ្នាំ២០២៦ (CAFE26) ដែលប្រព្រឹត្តទៅចាប់ពីថ្ងៃទី២៣ ដល់ថ្ងៃទី២៥ ខែតុលា នៅកោះពេជ្រ បានប្រមូលផ្តុំស្តង់តាំងបង្ហាញប្រមាណ ៤០០ ដោយនាំយកកសិផលសំខាន់ៗរបស់កម្ពុជា រួមជាមួយគ្រឿងយន្តកសិកម្ម បច្ចេកវិទ្យាដ្រូន ប្រព័ន្ធឌីជីថល និងបច្ចេកវិទ្យាកែច្នៃផលិតផលមកបង្ហាញ។

ពិព័រណ៍នេះជាឱកាសសម្រាប់កសិករ អាជីវករ និងអ្នកពាក់ព័ន្ធស្វែងយល់ពីបច្ចេកវិទ្យាថ្មីៗ ដើម្បីបង្កើនផលិតភាព និងលើកកម្ពស់សមត្ថភាពប្រកួតប្រជែងនៃវិស័យកសិកម្មកម្ពុជា។