ភ្នំពេញ៖ សភាពាណិជ្ជកម្មកម្ពុជា សហការជាមួយមជ្ឈមណ្ឌលអភិវឌ្ឍន៍ធុរកិច្ច (BDC) មូលនិធិអភិវឌ្ឍន៍ជំនាញ (SDF) និងក្រុមហ៊ុន Codingate Technology រៀបចំវគ្គបណ្ដុះបណ្ដាលស្តីពី៖ «វិធីសាស្រ្ដក្នុងការរៀបចំផែនការ និងរបាយការណ៍ហិរញ្ញវត្ថុ សម្រាប់អាជីវកម្ម តាមបច្ចេកវិទ្យាបញ្ញាសិប្បនិម្មិត (AI)» ដល់ម្ចាស់អាជីវកម្ម។

វគ្គបណ្ដុះបណ្ដាលក្រោមការគាំទ្រពី សហគ្រិនខ្មែរ (KE) នេះ នឹងផ្ដោតលើប្រធានបទសំខាន់ៗ ដូចជា ការប្រើប្រាស់បច្ចេកវិទ្យាបញ្ញាសប្បនិម្មិត ក្នុងការវិភាគទិន្នន័យ និន្នាការ និងវាយតម្លៃ សម្រាប់ជួយដល់ការសម្រេចចិត្តក្នុងការរៀបចំផែនការ និងរបាយការណ៍ហិរញ្ញវត្ថុអាជីវកម្ម និងសិក្សា និងអនុវត្តន៍ផ្ទាល់ជាមួយអ្នកជំនាញក្នុងការប្រើប្រាស់ប្រព័ន្ធបច្ចេកវិទ្យា GateMaster.Ai ដោយឥតគិតថ្លៃ។ លើសពីនេះ វគ្គបណ្តុះបណ្តាល ក៏នឹងផ្តោតលើការលើកទឹកចិត្ត តាមរយៈការផ្ដល់ហិរញ្ញប្បទានសម្រាប់ការបណ្ដុះបណ្ដាលជំនាញដល់អាជីវកម្មសហគ្រាសធុនតូច និងមធ្យម (SMEs) ផងដែរ។

វគ្គបណ្ដុះបណ្ដាលខាងលើនេះ នឹងធ្វើឡើង នាថ្ងៃទី២៣ ខែឧសភា ឆ្នាំ២០២៥ វេលាម៉ោង ០៨:០០ព្រឹក ដល់ម៉ោង ០៥:០០រសៀល នៅទីកន្លែងមជ្ឈមណ្ឌលអភិវឌ្ឍធុរកិច្ច (ជាន់ទី១៥) ដោយក្នុងនោះសហគ្រិន អាចចុះឈ្មោះចូលរួមតាមរយៈតំណភ្ជាប់ https://forms.gle/5ftJVNhR3yQUGorN9។ ចំពោះព័ត៌មានបន្ថែម អាចទាក់ទងមកកាន់លេខ ០១២ ២៨៩ ១៨៩៕