ភ្នំពេញ៖ លោកស្រី Lee Byoung Book សមាជិកក្រុមប្រឹក្សាខេត្ត Gyeonggi-do នៃសាធារណរដ្ឋកូរ៉េ មានគោលបំណងធ្វើដំណើរទស្សនកិច្ចនៅខេត្តសៀមរាប ដើម្បីពិភាក្សាអំពីការសហការភាពជាដៃគូរឱ្យកាន់តែប្រសើរ លើវិស័យបរិស្ថាន វិស័យបច្ចេកវិទ្យាAI ការកែច្នៃ និងការគ្រប់គ្រងសំរាម។

ក្នុងជំនួបពិភាក្សាការងារជាមួយ លោកស្រី Lee Byoung Book កាលពីថ្ងៃទី៣០ ខែមិថុនា ឆ្នាំ២០២៥ លោក យុន លីនណេ អភិបាលរង នៃគណៈអភិបាលខេត្តសៀមរាប តំណាង ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប ជឿជាក់ថា ទំនាក់ទំនងកិច្ចសហប្រតិបត្តិការ និងការផ្លាស់ប្ដូរទៅវិញទៅមករវាងភាគីទាំងពីរ នឹងធ្វើឱ្យមានការអភិវឌ្ឍរួមគ្នាកាន់តែប្រសើរ។ នេះបើតាមការចុះផ្សាយរបស់ រដ្ឋបាលខេត្តសៀមរាប៕