ភ្នំពេញ៖ សមាគមសហគ្រិនវ័យក្មេងកម្ពុជា នឹងរៀបចំជំនួបសហគ្រិនវ័យក្មេង លើកទី៣ ឆ្នាំ២០២៥ ក្រោមប្រធានបទ៖ ការបង្កើនជំនាញឌីជីថល និងបញ្ញាសិប្បនិម្មិតសម្រាប់សហគ្រាសកម្ពុជា ដើម្បីបង្កើនប្រសិទ្ធភាពប្រតិបត្តិការអាជីវកម្ម និងកាត់បន្ថយការចំណាយដល់សហគ្រិន។

បើតាមសមាគមសហគ្រិនវ័យក្មេងកម្ពុជា ជំនួបដែលនឹងរៀបចំឡើងនៅថ្ងៃទី២៥ ខែកក្កដា ឆ្នាំ២០២៥ចាប់ពីម៉ោង ០១៖០០រសៀល ដល់ ម៉ោង ៦៖០០យប់ នេះ ម្ចាស់អាជីវកម្ម នឹងទទួលបានចំណេះដឹងពង្រីកទីផ្សារឌីជីថល ពាណិជ្ជកម្មអេឡិចត្រូនិក និងការប្រកួតប្រជែង និងចេះវិភាគទិន្នន័យ និន្នាការទីផ្សារជំរុញភាពច្នៃប្រឌិត និងជំនួយការសម្រេចចិត្តផងដែរ។

ជំនួបសហគ្រិនវ័យក្មេងលើកទី៣ នឹងប្រព្រឹត្តឡើង នៅសណ្ឋាគារអូឡាំព្យាស៊ីធី ដោយក្នុងនោះម្ចាស់អាជីវកម្ម ដែលមានចំណាប់អារម្មណ៍ចូលរួម អាចទំនាក់ទំនងមកកាន់លេខទូរសព្ទ ០៧០ ២៦៣ ៨៦៤៕