ភ្នំពេញ៖ គណៈកម្មាធិការរដ្ឋាភិបាលឌីជីថល បានណែនាំវិធីសាស្ត្រចំនួន៧ ដើម្បីការពារការវាយប្រហារសាយប័រ។ វិធីសាស្ត្រចំនួន៧ នោះ រួមមាន៖ ១. ត្រួតពិនិត្យភាពមិនប្រក្រតី នៃការចូលប្រើប្រាស់គណនីពីឧបករណ៍ផ្សេងៗ។

ចំពោះ ទី២. បង្កើតលេខសម្ងាត់ដែលរឹងមាំ គឺត្រូវកំណត់យ៉ាងតិចចាប់ពី ១២តួអក្សរឡើង ដែលរួមបញ្ជូលទាំង អក្សរធំ និងតូច រួមជាមួយលេខ និងសញ្ញា (symbols) ផ្សេងៗ។ ទី៣. ប្រើប្រាស់ពាក្យសម្ងាត់ផ្សេងៗគ្នាទៅតាមប្រភេទគេហទំព័រ, ៤. ប្រើប្រាស់មុខងារសុវត្ថិភាព ចាក់សោពីរជាន់ (Two-Factor Authentication)។

ចំណែក ទី៥. បង្កើនភាពប្រុងប្រយ័ត្នរាល់សារ និងតំណភ្ជាប់ ដែលទទួលបានពីប្រភពដែលមិនស្គាល់ ដោយគិតពិចារណាមុននឹងចុច (ThinkB4Click), ៦. បំពាក់ប្រព័ន្ធសុវត្ថិភាពការពារពីការវាយប្រហារ Distribute Denial of Service (DDoS) និង ៧. ត្រួតពិនិត្យ និងទប់ស្កាត់ការព្យាយាមប៉ុនប៉ងផ្សេងៗ ដែលអាចធ្វើឱ្យប៉ះពាល់ទៅដល់ប្រតិបត្តិការនៃប្រព័ន្ធ ឬសេវាអនឡាញ៕