ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) ឱ្យសមត្ថកិច្ចពាក់ព័ន្ធចាត់វិធានការតាមផ្លូវច្បាប់ លើជនខិលខូច ដែលបង្កើតគណនីតេឡេក្រាម (Telegram Account) ក្លែងបន្លំធ្វើជា ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ CDC ដោយបានដាក់ឈ្មោះ CEO CHANTHOL SUN (មាន Username: @ceo_Chantholsun។

បើតាមការចុះផ្សាយរបស់ CDC កាលពីថ្ងៃទី១៦ ខែកក្កដា ឆ្នាំ២០២៥ ជនខិលខូចនោះ បានភ្ជាប់ជាមួយ website ឆបោកមួយ Ocic-investment.com (http://Ocic-investment.com/) ដើម្បីបោកបញ្ឆោតសាធារណជន ឱ្យដាក់ទុនវិនិយោគ ដើម្បីបានប្រាក់ចំណេញ។ CDC ឱ្យជនខិលខូច បញ្ឈប់សកម្មភាពនេះជាបន្ទាន់ និងអំពាវនាវឱ្យប្រជាពលរដ្ឋ មានការប្រុងប្រយ័ត្នចំពោះជនខិលខូចទាំងនេះផងដែរ៕