ភ្នំពេញ៖ សហគ្រិនខ្មែរ នឹងរៀបចំពិធីសម្ភោធកម្មវិធី «អភិវឌ្ឍន៍ផ្សារនាំចេញសម្រាប់សហគ្រាស» ក្នុងគោលបំណងផ្តល់ជូនសហគ្រាសធុនតូច និងមធ្យម នូវចំណេះដឹងនិងសមត្ថភាព ដើម្បីត្រៀមខ្លួនសម្រាប់ការនាំចេញ និងការពង្រីកសហគ្រាសរបស់ពួកគេទៅកាន់ទីផ្សារអន្តរជាតិ។

អ្នកចូលរួមកម្មវិធីអភិវឌ្ឍន៍ទីផ្សារនាំចេញសម្រាប់សហគ្រាស នឹងទទួលបានព័ត៌មានលំអិតអំពីកម្មវិធី និងតួអង្គផ្សេងទៀតក្នុងវិស័យនាំចេញ និងព័ត៌មានអំពីកម្មវិធីហិរញ្ញប្បទាន និងជំនួយផ្សេងៗទៀត របស់សហគ្រិនខ្មែរ សម្រាប់ការនាំចេញ និងការអភិវឌ្ឍន៍អាជីវកម្ម។

សហគ្រាសធុនតូច និងមធ្យម ដែលមានបំណងចូលរួមកម្មវិធី ដែលនឹងរៀបចំឡើងនៅថ្ងៃទី៦ ខែសីហា ឆ្នាំ២០២៥ វេលាម៉ោង ២:០០រសៀល ដល់ម៉ោង ៥:០០ល្ងាច នៅសហគ្រិនខ្មែរនេះ អាចចុះឈ្មោះចូលរួមត្រឹមថ្ងៃទី២៩ ខែកក្កដា ឆ្នាំ២០២៥ តាមរយៈ៖ https://forms.gle/BtSvMEnGeSDdh2oq9៕