ភ្នំពេញ៖ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា និងសម្ដេចព្រះមហាក្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរ បានយាងជួបសវនាការជាមួយឯកឧត្តម ស៊ី ជីនពីង ប្រធានាធិបតីនៃប្រទេសចិន និងជំទាវទី១របស់ប្រទេសចិន គឺលោកស្រី Peng Liyuan​ នាថ្ងៃទី២៦ ខែសីហា ឆ្នាំ២០២៥។

តាមការចុះផ្សាយក្នុងបណ្តាញសង្គមហ្វេសប៊ុករបស់ លោកស្រី Mao Ning អ្នកនាំពាក្យក្រសួងការបរទេសចិន បានបញ្ជាក់ថា ការជួបសវនាការនេះ គឺមានសារសំខាន់សម្រាប់ភាគីទាំងពីរ ក្នុងការជម្នះការរំខាន និងរួមដៃគ្នាក្នុងការពន្លឿនការកសាងសហគមន៍ចិន-កម្ពុជា គ្រប់កាលៈទេសៈជាមួយនឹងអនាគតរួមគ្នាក្នុងយុគសម័យថ្មី ដែលផ្តល់ផលប្រយោជន៍កាន់តែច្រើនដល់ប្រជាជន។

គួរបញ្ជាក់ថា ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា និងសម្តេចព្រះមហាក្សត្រី ព្រះវររាជមាតាជាតិខ្មែរ គឺបានយាងទៅទីក្រុងប៉េកាំង ប្រទេសចិន នៅថ្ងៃទី២៦ ខែសីហា ឆ្នាំ២០២៥ ដើម្បីពិនិត្យព្រះរាជសុខភាព៕