ភ្នំពេញ៖ ឯកឧត្ដម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានផ្តួចផ្តើមគំនិតដល់អ្នកភូមិកោះថ្មី ឃុំកោះសូទិន ស្រុកកោះសូទិន បង្កេីតសហគមន៍ធ្វេីត្រីឆ្អេីរ និងឆ្អេីរចំនួន ៣ពាន់ចង្កាក់ ដើម្បីត្រៀមជូនដល់វីរកងទ័ពជួរមុខ។

ការផ្តួចផ្តើមគំនិតដល់អ្នកស្រុកកោះសូទិន ធ្វើត្រីឆ្អេីរចំនួន ៣ពាន់ចង្កាក់ ដោយឯកឧត្ដម អ៊ុន ចាន់ដា ជាអ្នកឧបត្ថម្ភថវិកានេះ ដោយសារ រដូវនេះជារដូវរំហេីយ រដូវត្រីចុះ ដែលប្រជានេសាទមមាញឹកខ្លាំងក្នុងការប្រមូលផលត្រី ខណៈដែលផលត្រីឆ្នាំនេះ មានការកើនឡើងគួរឱ្យកត់សម្គាល់ និងស្របពេលរដូវប្រមូលផលត្រីបានចូលមកដល់សម្រាប់ផ្គត់ផ្គង់គ្រួសារ ក្នុងសហគមន៍ រួមនឹងដាំបន្លែបង្ការផ្សេងៗ។

ជាមួយគ្នានេះ ឯកឧត្តម អ៊ុន ចាន់ដា បានចងក្រងឱ្យអ្នកភូមិនៅតំបន់នេះ បង្កេីតជាសហគមន៍ត្រីឆ្អេីរ ដោយបានដាក់ឈ្មោះថា «សហគមន៍ ត្រីឆ្អេីរកោះថ្មី» ព្រោះសក្តានុពលនៅតំបន់នេះ ជាប់ដងទន្លេមេគង្គ សំបូរត្រី និងអ្នកភូមិ មានសាមគ្គីភាពគ្នាល្អ ប្រកបដោយសុភមង្គល៕