ភ្នំពេញ៖ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និង ឯកឧត្តមបណ្ឌិត Santo Darmo Sumarto ឯកអគ្គរដ្ឋទូតវិសាមញ្ញ និងពេញសមត្ថភាពឥណ្ឌូណេស៊ីប្រចាំកម្ពុជា ចុះពិនិត្យផ្ទាល់ និងវាយតម្លៃខ្ពស់ចំពោះសោភ័ណភាព អនាម័យ និងគុណភាពសេវាកម្មរបស់លោកគ្រូ អ្នកគ្រូពេទ្យនៅមន្ទីរពេទ្យបង្អែកពញាឮ ក្នុងគោលដៅ Promote ភ្ញៀវទេសចរបន្ថែម។

ការចុះពិនិត្យ និងវាយតម្លៃដោយផ្ទាល់ កាលពីថ្ងៃទី២១ ខែមករា ឆ្នាំ២០២៦ នេះ ក៏មានគោលបំណងផ្សព្វផ្សាយសក្តានុពលទេសចរណ៍នូវរមណីយដ្ឋានភ្នំឧត្តុង្គ ព្រោះមន្ទីរពេទ្យបង្អែកពញាឮ បានដើរតួនាទីយ៉ាងសំខាន់ក្នុងការជួយបំពេញបន្ថែមនូវសក្តានុពលទេសចរណ៍នៅរមណីយដ្ឋានឧត្តុង្គ។ នេះបើតាមការចុះផ្សាយរបស់ក្រសួងទេសចរណ៍៕