ភ្នំពេញ៖ នាវាទេសចរណ៍ឈ្មោះ NORWEGIAN SUN សញ្ជាតិ BAHAMAS នាំភ្ញៀវទេសចរចំនួន ៥៣៨នាក់ ដែលមាន ២៩សញ្ជាតិ និងនាវិកចំនួន ៤០៩នាក់ ដែលមាន ៤១សញ្ជាតិ ចូលចតនៅកំពង់ផែស្វយ័តក្រុងព្រះសីហនុដោយសុវត្ថិភាព នាថ្ងៃទី២៧ ខែមករា ឆ្នាំ២០២៦។

នាវាទេសចរណ៍ឈ្មោះ NORWEGIAN SUN សញ្ជាតិ BAHAMAS នេះ មានបណ្តោយប្រវែង ២១០.៥០ម៉ែត្រ និងទទឹងប្រវែង ២៨ម៉ែត្រ ជម្រៅ ៦ម៉ែត្រ។ មន្ទីរទេសចរណ៍ខេត្តព្រះសីហនុ ទទួលស្វាគមន៍យ៉ាងកក់ក្តៅដល់ភ្ញៀវទេសចរ និងបានចង្អុលណែនាំអំពីតំបន់សក្តានុពលទេសចរណ៍សំខាន់ៗរបស់ខេត្តព្រះសីហនុ ជូនភ្ញៀវបានយ៉ាងល្អប្រសើរ។ នេះបើតាមការចុះផ្សាយរបស់ ក្រសួងទេសចរណ៍៕