ភ្នំពេញ៖ OpenAI បានប្រកាសថា ខ្លួននឹងសាកល្បងការផ្សាយពាណិជ្ជកម្មនៅក្នុង Version ឥតគិតថ្លៃរបស់ខ្លួន សម្រាប់អ្នកប្រើប្រាស់ពេញវ័យនៅសហរដ្ឋអាម៉េរិក។ ការផ្សាយពាណិជ្ជកម្មនេះ អាចបង្ហាញថាជាយុទ្ធសាស្ត្រដែលរកប្រាក់ចំណេញសម្រាប់ OpenAI ពីអ្នកប្រើប្រាស់ប្រចាំខែចំនួន ៨០០លាននាក់ ព្រោះការប្រើប្រាស់ព័ត៌មានពីការសន្ទនារបស់អ្នកប្រើប្រាស់ជាមួយ ChatGPT អាចបង្កើតការផ្សាយពាណិជ្ជកម្មដែលមានលក្ខណៈផ្ទាល់ខ្លួន និងចំគោលដៅ។ 

លើសពីនេះ ប្រសិនបើអ្នកប្រើប្រាស់ បានស្នើសុំជំនួយពី ChatGPT ក្នុងការរៀបចំផែនការធ្វើដំណើរ នោះការផ្សាយពាណិជ្ជកម្មសម្រាប់សណ្ឋាគារ ឬការកម្សាន្តនៅក្នុងតំបន់នោះអាចនឹងត្រូវបានបង្ហាញ៕