ភ្នំពេញ៖ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម និង ឯកឧត្តម Piyush Goyal រដ្ឋមន្រ្តីក្រសួងពាណិជ្ជកម្ម និងឧស្សាហកម្មនៃសាធារណរដ្ឋឥណ្ឌា ពិភាក្សាកិច្ចសហប្រតិបត្តិការពាណិជ្ជកម្មទ្វេភាគី ជាពិសេសការកើនឡើងនៃទំហំពាណិជ្ជកម្មរវាងប្រទេសទាំងពីរ។

ក្នុងកិច្ចពិភាក្សា កាលពីថ្ងៃទី២៣ ខែកុម្ភៈ ឆ្នាំ២០២៦ នៅរដ្ឋធានីញូដេលី នៃសាធារណរដ្ឋឥណ្ឌា លោកជំទាវ ចម និម្មល និង ឯកឧត្តម Piyush Goyal ក៏បានប្ដេជ្ញាចិត្តក្នុងការពង្រឹងកិច្ចសហប្រតិបត្តិការជិតស្និតក្នុងគ្រប់វេទិកា ទាំងទ្វេភាគី តំបន់ និងក្នុងក្របខណ្ឌពហុភាគីផងដែរ។ គួរបញ្ជាក់ថា ជំនួបនេះក៏មានការចូលរួមពីលោកជំទាវ រត្ន ម៉ានី ឯកអគ្គរាជទូតវិសាមញ្ញនិងពេញសមត្ថភាពកម្ពុជា ប្រចាំសាធារណរដ្ឋឥណ្ឌាផងដែរ៕