ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងលោក Aniss Bouraqqadi នាយកក្សេត្រសាស្ត្រនៃក្រុមហ៊ុន OCP Group ដែលជាក្រុមហ៊ុនផលិត និងនាំចេញជីកសិកម្មធំជាងគេក្នុងពិភពលោក បានជួបពិភាក្សាលើការផ្គត់ផ្គង់ និងចែកចាយជីកសិកម្មដោយផ្ទាល់មកប្រទេសកម្ពុជា​ ដើម្បីឱ្យកសិករទទួលបានជីក្នុងតម្លៃសមរម្យ។

ក្នុងជំនួបជាមួយក្រុមហ៊ុនផ្គត់ផ្គង់ជីផូស្វាត ៧០%នៃពិភពលោក​ នេះ ឯកឧត្តម ឌិត ទីណា​ បានលើកឡើងថា ​ការចែកចាយជីកសិកម្មដោយផ្ទាល់មកកម្ពុជា នឹងជំរុញកំណេីនផលិតផលកសិកម្មនៅកម្ពុជា ជាពិសេសក្នុងស្ថានភាពបច្ចុប្បន្នដែលពិភពលោកកំពុងជួបប្រទះការខ្វះខាតជីកសិកម្ម​ ដោយសារកត្តានៃការបិទច្រកសមុទ្រអ័រម៉ូសផងដែរ​(Strait of Homuz)៕