ភ្នំពេញ៖ ក្រុម​ហ៊ុន​ចំការកៅស៊ូមេមត់ ក្រុមហ៊ុនហ៊្វុក កម្ពុជា ឯ.ក និងសហគមន៍​កសិកម្ម​ទំនើប និងសហគមន៍កសិកម្ម នៅក្នុងខេត្តត្បូងឃ្មុំ និងខេត្ត​កំពង់ចាម បានចុះហត្ថលេខាលើកិច្ច​សន្យា​ផលិតកម្មកសិកម្មចំនួន ១០កិច្ចសន្យា ស្តីពី «ការទិញ-លក់កៅស៊ូទឹក ជ័រកៅស៊ូបង្កក ម្រេច ពោតក្រហម និងស្រូវ» នៅថ្ងៃទី៣០ ខែមេសា ឆ្នាំ២០២៦។

ក្នុងពិធីចុះកិច្ចសន្យានេះ ឯកឧត្តម រស់ សូដែន រដ្ឋលេខា​ធិការក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា កិច្ចសន្យាចំនួន ១០កិច្ចសន្យានេះ រួមមាន៖ ​កិច្ចសន្យាទិញ-លក់ជ័រកៅស៊ូចំនួន ៧កិច្ចសន្យា ក្នុងបរិមាណជ័រ ១ ០៦០តោន, កិច្ចសន្យាទិញ-លក់ម្រេចខ្មៅសុវត្ថិភាពចំនួន ១កិច្ចសន្យា ក្នុងបរិមាណម្រេច ១០០តោន, កិច្ចសន្យាទិញ-លក់ស្រូវសែន​ក្រអូប​០១ ​ចំនួន ១កិច្ចសន្យា ក្នុងបរិមាណស្រូវ ២៦,៥០តោន និងកិច្ចសន្យាទិញ-លក់ពោតក្រហមចំនួន ១កិច្ចសន្យា ក្នុងបរិមាណ ១៥០តោន សរុបជាទឹកប្រាក់ប្រមាណ ១ ៣៣៩ ១០០ដុល្លារ៕