ភ្នំពេញ៖ គម្រោងស្ដារស្ទឹងស្លាប់ ដែលមានសក្ដានុពលជួយរំដោះទឹក និងពង្វាងទឹកជំនន់ក្នុងបរិមាណ ៣០០ម៉ែត្រគូបក្នុងមួយវិនាទីពីក្រុងស្ទឹងសែន និងតំបន់ជុំវិញ សម្រេចបានការសាងសង់ប្រមាណ ៣៥%។ នេះបើតាមការចុះផ្សាយរបស់សម្តេចធិបតី ហ៊ុន ម៉ាណែត កាលពីថ្ងៃទី២៥ ខែមករា ឆ្នាំ២០២៥។

គម្រោងស្ដារស្ទឹងស្លាប់នេះ បានដើរតួនាទីយ៉ាងសំខាន់ក្នុងការនាំទឹក និងផ្តល់ទឹកសម្រាប់ការប្រើប្រាស់ និងស្រោចស្រពផ្ទៃដីបង្កបង្កើនផលនៅក្នុងក្រុង-ស្រុកចំនួន ៥នៃខេត្តកំពង់ធំ ដែលរួមមានក្រុងស្ទឹងសែន ស្រុកកំពង់ស្វាយ ស្រុកសន្ទុក ស្រុកប្រាសាទបល្ល័ង្គ និងស្រុកសណ្តាន់។

គម្រោងស្ដារស្ទឹងស្លាប់ មានការងារសំខាន់ៗដូចជា៖ ទី១.ស្ដារស្ទឹងស្លាប់ប្រវែង ៣០គីឡូម៉ែត្រ មានទំហំបាតក្រោម ២០ម៉ែត្រ មាត់លើ ៦០ម៉ែត្រ មានខ្នងទំនប់សងខាងទំហំ ៦ម៉ែត្រ និងទី២.សាងសង់សំណង់សិល្បការ្យតូចធំប្រមាណ ១១៧កន្លែង៕