ភ្នំពេញ៖ «កម្មវិធីវិស្វកម្មសុសវែរ» គឺជាមូលដ្ឋានគ្រឹះដែលដំណើរការតាំងពីស្មាតហ្វូនដែលប្រើប្រាស់ប្រចាំថ្ងៃរហូតដល់កម្មវិធីសុសវែរដែលប្រើប្រាស់នៅក្នុងឧស្សាហកម្មធុនធ្ងន់។ ជាមួយគ្នានេះ កម្មវិធីសុសវែរ បានដើរតួនាទីយ៉ាងសំខាន់ក្នុងបរិបទឌីជីថលនាពេលបច្ចុប្បន្ន ដោយបានក្លាយជាផ្នែកមួយក្នុងការជំរុញឱ្យមានការបង្កើតថ្មី និងបានជះឥទ្ធិពលលើទិដ្ឋភាពរស់នៅប្រចាំថ្ងៃស្ទើរតែទាំងស្រុង។

កម្មវិធីសុសវែរនេះ ក៏បានផ្តល់អត្ថប្រយោជន៍ដល់ការតភ្ជាប់សកលនិងអត្ថប្រយោជន៍សំខាន់ជាច្រើនទៀតដល់បុគ្គលដែលសិក្សាទៅលើជំនាញទាំងនេះ ដែលក្នុងនោះបុគ្គលដែលមានជំនាញវិស្វកម្មសុសវែរ អាចទាញអត្ថប្រយោជន៍បានដូចជា៖ ទី១. មានតម្រូវការខ្ពស់, ទី២. រក្សានិរន្តភាពការងារ, ទី៣. ផ្តល់ឱ្យនូវប្រព័ន្ធ ឬកម្មវិធីសុសវែរដែលមានលទ្ធភាពធ្វើមាត្រដ្ឋាន និងភាពបត់បែន, ទី៤. ទទួលបានប្រាក់ខែខ្ពស់, ទី៥. ឱកាសការងារកាន់តែប្រសើរ។ នេះបើយោងតាមគេហទំព័រ Khmer Tech Market៕