ភ្នំពេញ៖ អ៊ឺនធឺណិតនៃវត្ថុ (loT) គឺជាបច្ចេកវិទ្យាដ៏សំខាន់បំផុតមួយក្នុងវិស័យកសិកម្មវៃឆ្លាត ដែលអ៊ីនធឺណិតនៃវត្ថុនេះ ដែលមានដូចជា ឧបករណ៍ចាប់សញ្ញាសំណើមដី, គ្រប់គ្រងសីតុណ្ហភាព និងស្ថានីយ៍អាកាសធាតុ និងប្រមូលទិន្នន័យតាមពេលវេលាជាក់ស្ដែងជាដើម។

ជាមួយគ្នានេះ អ៊ឺនធឺណិតនៃវត្ថុ (loT) មានតួនាទីយ៉ាងសំខាន់ក្នុងការចាប់សញ្ញា និងប្រមូលទិន្នន័យ ដែលទិន្នន័យទាំងនោះ អាចអនុញ្ញាតឱ្យកសិករតាមដានស្ថានភាពដំណាំយ៉ាងដិតដល់ និងចាតវិធានការទាន់ពេលវេលា ដូចជា ការកែសម្រួលកាលវិភាគ ប្រព័ន្ធធារាសាស្ត្រ ឬការប្រើប្រាស់ជីសម្រាប់តែពេលចាំបាច់ ដែលជួយ សន្សំសំចៃទឹក និងកាត់បន្ថយការប្រើប្រាស់សារធាតុគីមី៕