ភ្នំពេញ៖ ពិធីករកីឡាកម្ពុជា រៀបចំព្រឹត្តិការណ៍ «បរិច្ចាគឈាម» ដើម្បីជួយសង្គ្រាះជីវិតរបស់អ្នកដទៃដែលកំពុងតែត្រូវការឈាម នៅថ្ងៃទី១៤ និង១៥ ខែវិច្ឆិកា ឆ្នាំ២០២៥ ចាប់ពីម៉ោង ០៧:៣០នាទីព្រឹកតទៅ នៅក្នុងបរិវេណពហុកីឡដ្ឋានជាតិអូឡាំពិក។

ចំពោះសាធារណជន ដែលអាចបរិច្ចាគឈាម គឺត្រូវមានអាយុចាប់ពី ១៨ឆ្នាំ ដល់៦០ឆ្នាំ និងទម្ងន់ ៤៥គីឡូក្រាមឡើងទៅ ដោយការបរិច្ចាគឈាមនេះ ធ្វើឡើងដោយស្ម័គ្រចិត្ត ដើម្បីជួយសង្គ្រោះជីវិតអ្នកត្រូវការ។ គួរបញ្ជាក់ផងដែរថា ព្រឹត្តិការណ៍នេះ ធ្វើឡើងក្រោមការគាំទ្រពីសម្ដេចអគ្គតេជោ ហ៊ុន សែន ប្រធានព្រឹទ្ធសភា៕