ភ្នំពេញ៖ នាវាទេសចរណ៍ឈ្មោះ WESTERDAM សញ្ជាតិ Netherland ចូលចតនៅកំពង់ផែស្វយ័តក្រុងព្រះសីហនុដោយសុវត្ថិភាព នាថ្ងៃទី២៣ ខែមករា ឆ្នាំ២០២៦ ដោយនាំយកភ្ញៀវទេសចរចំនួន ១.៩២៧នាក់ ដែលមាន ៤០សញ្ជាតិ និងនាវិកចំនួន ៨២២នាក់ ដែលមាន ៤០សញ្ជាតិ។

មន្ទីរទេសចរណ៍ខេត្តព្រះសីហនុ បានទទួលស្វាគមន៍យ៉ាងកក់ក្តៅដល់ភ្ញៀវទេសចរចេញពី នាវាទេសចរណ៍ WESTERDAM សញ្ជាតិ Netherland ប្រវែង ២៨៥.២២ម៉ែត្រ និងទទឹងប្រវែង ៣២.២០ម៉ែត្រ ជម្រៅ៨.១ម៉ែត្រ និងបានចង្អុលណែនាំអំពីតំបន់សក្តានុពលទេសចរណ៍សំខាន់ៗរបស់ខេត្តព្រះសីហនុ ជូនភ្ញៀវបានយ៉ាងល្អប្រសើរ៕