ភ្នំពេញ៖ អបអរសាទរ កម្ពុជា ទទួលបានពានរង្វាន់សរុបចំនួន២៧ ក្នុងវេទិកាទេសចរណ៍អាស៊ានឆ្នាំ២០២៦ ក្នុងចំណោម ពានរង្វាន់ទេសចរណ៍អាស៊ាន នៅឆ្នាំ២០២៦ មានចំនួន ២១១ ពានរង្វាន់ បែងចែកជា៩ ប្រភេទ។ 

ចំពោះ ពានរង្វាន់សរុបចំនួន២៧ នោះ រួមមាន៖ ១.ស្តង់ដាទីក្រុងទេសចរណ៍ស្អាតអាស៊ាន ៥ ជ័យលាភី មានដូចជា សៀមរាប ស្ទឹងសែន កំពង់ចាម បាត់ដំបង ព្រះសីហនុ, ២.ស្តង់ដាសណ្ឋាគារបៃតងអាស៊ាន ៥ ជ័យលាភី, ៣.ស្តង់ដា MICE អាស៊ាន ប្រភេទបន្ទប់ប្រជុំ ចំនួន៥ ជ័យលាភី, ៤.ស្តង់ដា MICE អាស៊ាន ប្រភេទសាលពិព័រណ៍ ចំនួន៥ ជ័យលាភី, ៥.ស្តង់ដា MICE អាស៊ាន ប្រភេទសាលរៀបចំព្រឹត្តិការណ៍ ចំនួន៥ ជ័យលាភី, ៦.ស្តង់ដាទេសចរណ៍ប្រកបដោយនិរន្តរភាពអាស៊ាន (ប្រភេទទីប្រជុំជន) ចំនួន១ ជ័យលាភី និង ៧.ស្តង់ដាទេសចរណ៍ប្រកបដោយនិរន្តរភាពអាស៊ាន (ប្រភេទជនបទ) ចំនួន១ ជ័យលាភី។

ជាមួយគ្នានេះ កម្ពុជា បានត្រៀមខ្លួនរួចជាស្រេចក្នុងការទទួលស្វាគមន៍ភ្ញៀវទេសចរជាតិ និងអន្តរជាតិ ជាមួយនឹងការផ្តល់សេវាកម្មប្រកបដោយគុណភាព បដិសណ្ឋារកិច្ចល្អ និងផ្តល់ភាពកក់ក្តៅ។ គួរបញ្ជាក់ថា កម្មវិធីនេះ រៀបចំឡើងនៅក្នុងគោលបំណងពង្រឹងស្តង់ដាទេសចរណ៍អាស៊ានទៅតាមប្រភេទអាជីវកម្មទេសចរណ៍នីមួយៗ៕