ណាននីង ប្រទេសចិន៖ ក្រុមហ៊ុន លីលីហ្វូដ អ៉ិនដាសទ្រី ខូ អិលធីឌី(ផលិតនំស្រួយ និងទឹកដោះគោ) ដែលជាផលិតផលរបស់កម្ពុជា បានយកទៅតាំងបង្ហាញនៅក្នុង ពិព័រណ៍ចិន–អាស៊ាន (China–ASEAN Expo) លើកទី២៣ នៅទីក្រុងណាននីង ខេត្តក្វាងស៊ី ប្រទេសចិន។

ការចូលរួមតាំងបង្ហាញនេះ មិនត្រឹមតែជាឱកាសផ្សព្វផ្សាយម៉ាកផលិតផលខ្មែរប៉ុណ្ណោះទេ ប៉ុន្តែថែមទាំងជាវេទិកាសម្រាប់ឱ្យអ្នកប្រើប្រាស់ អ្នកចែកចាយ និងដៃគូពាណិជ្ជកម្មអន្តរជាតិ បានស្គាល់ផលិតផលដែលផលិតនៅកម្ពុជាផងដែរ។

ពិព័រណ៍នេះ ប្រព្រឹត្តទៅចាប់ពីថ្ងៃទី១៧ ដល់ថ្ងៃទី២១ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍អន្តរជាតិណាននីង ដោយមានការបង្ហាញផលិតផលជាច្រើនប្រភេទពីបណ្តាប្រទេសអាស៊ាន។

ការនាំផលិតផលខ្មែរទៅបង្ហាញនៅលើឆាកអន្តរជាតិ ក៏ជាឱកាសសម្រាប់ផ្សព្វផ្សាយម៉ាក ស្វែងរកដៃគូអាជីវកម្ម និងស្វែងយល់ពីតម្រូវការអ្នកប្រើប្រាស់នៅទីផ្សារបរទេស៕