ភ្នំពេញ៖ ការផ្គូផ្គងអាជីវកម្មលើវេទិកា KhmerSME MATCH នឹងបង្កើនខ្សែច្រវ៉ាក់តម្លៃទីផ្សារម្ទេស និងផ្សារភ្ជាប់ទំនាក់ទំនងរវាង អ្នកដាំដុះ និងអ្នកកែច្នៃផលិតផលម្ទេសនៅកម្ពុជា។ នេះបើតាមការចុះផ្សាយរបស់គេហរទំព័រ Khmer SME នៅថ្ងៃទី៩ ខែកក្កដា ឆ្នាំ២០២៥។

ជាមួយគ្នានេះ សាធារណជន ដែលចូលរួមផ្គូផ្គងអាជីវកម្មលើវេទិកា KhmerSME MATCH នេះ នឹងទទួលបានការបង្កើនចំណេះដឹងទីផ្សារ សមត្ថភាពផលិតកម្ម និងការកែច្នៃ ដើម្បីលើកកម្ពស់ឧស្សាហកម្មម្ទេសកម្ពុជា ព្រមទាំងចូលរួមចែករំលែកចំណេះដឹង និងស្វែងរកដៃគូអាជីវកម្មថ្មីៗផងដែរ។

«ការផ្គូផ្គងអាជីវកម្មលើវេទិកា KhmerSME MATCH» នឹងធ្វើឡើងនៅថ្ងៃទី១៥ ខែកក្កដា ឆ្នាំ២០២៥ វេលាម៉ោង ០៩:០០-១២:០០ថ្ងៃត្រង់ តាមរយៈកម្មវិធី Zoom ដោយក្នុងនោះ សាធារណជន អាចចុះឈ្មោះចូលរួមឥតគិតថ្លៃ តាមរយៈតំណភ្ជាប់ https://match.khmersme.gov.kh/ និងចំពោះព័ត៌មានលម្អិតអាចទំនាក់ទំនងតាមលេខទូរសព្ទ ០៩៣ ៤៤ ១៦ ២០៕