ភ្នំពេញ៖ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម ជួបពិភាក្សាការងារជាមួយលោក François Corbin អនុប្រធានចលនាសហគ្រាសបារាំង MEDEF International និងតំណាងក្រុមហ៊ុនបារំាងធំៗចំនួន ៦ ដើម្បីបង្ហាញពីសក្តានុពលពាណិជ្ជកម្ម និងការវិនិយោគរបស់កម្ពុជា។

ក្នុងជំនួបនោះ តំណាងក្រមហ៊ុនបារាំង បានលើកឡើងអំពីចក្ខុវិស័យរបស់ក្រុមហ៊ុនខ្លួនក្នុងការពង្រីកប្រតិបត្តិការពាណិជ្ជកម្មនៅកម្ពុជា និងបង្ហាញពីបំណងស្វែងយល់បន្ថែមអំពីបច្ចុប្បន្នភាពនៃច្បាប់ និងបទប្បញ្ញត្តិពាណិជ្ជកម្ម ព្រមទាំងបានកត់សម្គាល់អំពីភាពរីកចម្រើនគួរជាមោទនៈរបស់កម្ពុជា។ ជាមួយគ្នានេះ លោកជំទាវ ចម និម្មល ក៏បានបង្ហាញអំពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការអភិវឌ្ឍគ្រប់វិស័យនិងបង្ហាញអំពីភាពរួចរាល់របស់ក្រសួងពាណិជ្ជកម្មក្នុងកិច្ចសម្រួលពាណិជ្ជកម្ម៕