ភ្នំពេញ៖ រដ្ឋបាលខេត្តតាកែវ ជូនដំណឹងពីការចុះចត និងហោះហើរសាកល្បងនៅព្រលានយន្តភ្នំពេញថ្មី ស្ថិតនៅឃុំពត់សរ ស្រុកបាទី ខេត្តតាកែវ ចាប់ពីថ្ងៃទី០៨ ខែកញ្ញា ឆ្នាំ២០២៤ ដល់សាធារណជន។ ពាក់ព័ន្ធនឹងករណីនេះ រដ្ឋបាលខេត្តតាកែវ អំពាវនាវឱ្យពលរដ្ឋដែលរស់នៅជិតតំបន់ភូមិសាស្ត្រព្រលានយន្តហោះ ភ្នំពេញថ្មី កុំមានការព្រួយបារម្ភ ភ័យខ្លាច និងភិតភ័យ ចំពោះសកម្មភាពចុះចត និងហោះហើរសាកល្បងនេះឡើយ។

អាស្រ័យហេតុខាងលើ សាធារណជន និងប្អូនប្រជាពលរដ្ឋទូទាំងខេត្តតាកែវ អាចជ្រាបជាព័ត៌មាន។ នេះបើតាមសេចក្តីជូនដំណឹង ស្តីពីការចុះចត និងហោះហើរសាកល្បងនៅព្រលានយន្តហោះភ្នំពេញថ្មី ចាប់ពីថ្ងៃទី០៨ ខែកញ្ញា ឆ្នាំ២០២៤ របស់រដ្ឋបាលខេត្តតាកែវ ដែលចុះផ្សាយនាថ្ងៃទី៧ កញ្ញា៕