ភ្នំពេញ៖ អត្ថប្រយោជន៍នៃការបណ្តុះបណ្តាលបុគ្គលិកឱ្យដឹងពីសន្តិសុខសាយប័រ នឹងជួយកាត់បន្ថយហានិភ័យលើបណ្តាញអ៊ិនធឺណិតរួមមាន ការរំលោភបំពានសុវត្ថិភាព បង្កើត និងបង្កើនការយល់ដឹងពីសុវត្ថិភាពសន្តិសុខសាយប័រនៅក្នុងស្ថាប័ន ឬអង្គភាព និងការពារសុវត្ថិភាពទិន្នន័យរបស់អតិថិជនជាដើម។ បើតាមអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានឱ្យដឹងថា ធាតុផ្សំសំខាន់ៗនៃការបណ្តុះបណ្តាលសន្តិសុខសាយប័រ គឺមានចំនួន ៧ចំណុច ដើម្បីការពារស្ថាប័ន និងខ្លួនឯងពីការគំរាមកំហែងនៃបទល្មើសបច្ចេកវិទ្យា។

ធាតុផ្សំសំខាន់ៗនៃការបណ្តុះបណ្តាលសន្តិសុខសាយប័រចំនួន៧ នេះមានដូចជា៖ ទី១. Understanding cyber threats ជាការបញ្ច្រាបចំណេះដឹងបុគ្គលិកយល់អំពីការគំរាមកំហែងនៃប្រភេទបទល្មើសបច្ចេកវិទ្យា មានដូចជា ការផ្ញើសារក្លែងបន្លំ(phishing emails) និងគេហទំព័រក្លែងក្លាយ( fake websites)។ ទី២. Recognizing Suspicious Activity ការបញ្ច្រាបចំណេះដឹងអំពីសញ្ញាណនៃបទល្មើស ដូចជា ការផ្ញើសារ ឬអ៊ីម៉ែលមិនប្រក្រតី ឬការស្នើសុំចូលប្រើប្រាស់ឧបករណ៍ប្រព័ន្ធដែលគួរសង្ស័យ។

ទី៣. Safe use of technology ជាការណែនាំប្រើប្រាស់ឧបករណ៍ឌីជីថល ប្រតិបត្តិការប្រព័ន្ធណែតវើក (Accessing Network) ការរៀបចំទុកដាក់ពាក្យ ឬលេខសម្ងាត់ឱ្យមានសុវត្ថិភាព និងត្រឹមត្រូវតាមលក្ខណៈបច្ចេកទេស និងចៀសវាងការប្រើប្រាស់ Wi-Fi សាធារណៈ ហើយធ្វើបច្ចុប្បន្នភាព Software បានទៀងទាត់។ ចំពោះ ទី៤. Phishing Simulations សិក្សាឈ្វេងយល់កំណត់អត្តសញ្ញាណការវាយប្រហារក្លែងបន្លំ ឬសារអេឡិចត្រូនិច (Email) ដែលគួរឱ្យសង្ស័យ។ ទី៥. Password Management ជំរុញឱ្យប្រើប្រាស់លេខសម្ងាត់ពិបាក ដើម្បីរក្សាសុវត្ថិភាព, ទី៦. Incident Reporting បង្រៀនបុគ្គលិកដឹងអំពីការគំរាមកំហែងសន្តិសុខសាយប័រ ដើម្បីធ្វើសេចក្តីរាយការណ៍មកកាន់អ្នកជំនាញបន្ទាន់ ក្នុងករណីមានការគំរាមកំហែង ឬការវាយប្រហារ និងទី៧. Data Protection ពន្យល់ ឬណែនាំឱ្យចេះរក្សាទុកដាក់តាមចំណាត់ថ្នាក់នៃឯកសារ៕