ភ្នំពេញ៖ ប្រេងសាំងធម្មតា និងប្រេងម៉ាស៊ូតមានតម្លៃ ៤,២៥០រៀលក្នុងមួយលីត្រដូចគ្នា ដោយតម្លៃលក់រាយប្រេងឥន្ធនៈនេះ ត្រូវអនុវត្តចាប់ពីថ្ងៃទី២១ ដល់ថ្ងៃទី៣០ ខែវិច្ឆិកា ឆ្នាំ២០២៣។ 

ក្រសួងពាណិជ្ជកម្មនៅថ្ងៃទី២១ វិច្ឆិកានេះ បានឱ្យដឹងថា តម្លៃលក់រាយសម្រាប់ប្រេងសាំងធម្មតា និងប្រេងម៉ាសូតដែលមាន៤,២៥០រៀលក្នុងមួយលីត្រ ដោយ ផ្អែកតាមតម្លៃមធ្យមប្រេងឥន្ធនៈលើទីផ្សារអន្តរជាតិ។ ចំពោះតម្លៃប្រេងម៉ាស៊ូតចុះថ្លៃ ១០០រៀល ធៀបនឹងរយៈពេល១០ថ្ងៃមុន ដែលមានតម្លៃ៤,៣៥០រៀលក្នុងមួយលីត្រ ខណៈដែលតម្លៃប្រេងសាំងធម្មតានៅរក្សាតម្លៃដដែល៕