ភ្នំពេញ៖ គិតត្រឹមចុងខែកុម្ភៈ ឆ្នាំ២០២៥ សាជីវកម្មធានាឥណទានកម្ពុជា (CGCC) បានអនុម័តការធានាឥណទានជូនដល់ប្រជាពលរដ្ឋចំនួន ៣ ៩៧៩គណនី ដែលក្នុងនោះ មានទំហំទឹកប្រាក់កម្ចីប្រហាក់ប្រហែល ២៧៤,១៤លានដុល្លារ។ នេះបើតាមការចុះផ្សាយរបស់ CGCC ។

បើតាមវឌ្ឍនភាពនៃការធានាឥណទានរបស់ CGCC គិតត្រឹមថ្ងៃទី២៨ ខែកុម្ភៈ ឆ្នាំ២០២៥ បានឱ្យដឹងថា ថា ក្នុងខែកុម្ភៈ ឆ្នាំ២០២៥ CGCC បានអនុម័តការធានាលើគណនីសរុបចំនួន៥៤៧ ដែលជាចំនួនខ្ពស់បំផុតប្រចាំខែ តាំងពី CGCC បានចាប់ផ្តើមផ្តល់ការធានាឥណទាន ក្នុងឆ្នាំ២០២១ មក៕