ភ្នំពេញ៖ ផែនទីបង្ហាញផ្លូវបច្ចេកវិទ្យាឌីជីថលជាតិ បានជួយអភិវឌ្ឍន៍សេដ្ឋកិច្ច និងសង្គមកម្ពុជា តាមរយៈការបង្ហាញពីផ្លូវដើម្បីជំរុញបរិវត្តកម្មឌីជីថល ទាំងកម្រិតបុគ្គល ស្ថាប័ន និងថ្នាក់ជាតិ។ ទោះបីជាវត្តមាន នៃកម្មវិធីបច្ចេកវិទ្យាឌីជីថល កំពុងរីកចម្រើនយ៉ាងឆាប់រហ័សនៅគ្រប់វិស័យទាំងអស់ក៏ដោយ ប៉ុន្តែវានៅតែបែកខ្ញែកនៅឡើយ។

ផែនទីបង្ហាញផ្លូវបច្ចេកវិទ្យាឌីជីថលជាតិ នឹងកំណត់យ៉ាងច្បាស់នូវជំហាននីមួយៗសម្រាប់រៀបចំ និងបង្រួបបង្រួមគំនិតផ្តួចផ្តើមទាំងអស់ នៅក្នុងយុទ្ធសាស្ត្ររួមមួយ។ ផែនទីបង្ហាញផ្លូវ នឹងរួមបញ្ចូលដំណាក់កាលជាមូលដ្ឋាន និងគោលបំណងដែលរដ្ឋាភិបាល វិស័យឯកជន និងអ្នកសិក្សា គួរផ្តោតលើការអភិវឌ្ឍបច្ចេកវិទ្យាឌីជីថល ដោយមានចក្ខុវិស័យ និងគោលដៅរួម អាចសម្រេចបានក្នុងបរិបទនៃការវិភាគបរិស្ថានបច្ចុប្បន្ននៅកម្ពុជា យុទ្ធសាស្ត្រផលិតកម្ម និងសេវាកម្ម និងបច្ចេកវិទ្យាគន្លឹះ ត្រូវបានព្យាករណ៍ទុកសម្រាប់ផែនទីបង្ហាញផ្លូវបច្ចេកវិទ្យានេះផងដែរ៕

ប្រភពពីសៀវភៅ៖ ផែនទីបង្ហាញផ្លូវបច្ចេកវិទ្យាឌីជីថល របស់ក្រសួងឧស្សាហកម្ម វ.ប.ន