ភ្នំពេញ៖ អគ្គនាយកដ្ឋានគយ និងរដ្ឋាករកម្ពុជា បានដាក់ឱ្យអនុវត្ត មុខងារ Single Sign-On (SSO) និងកម្មវិធីផ្ទៀងផ្ទាត់អត្តសញ្ញាណបញ្ជរតែមួយជាតិ (NSW Authenticator) ឬ ថ្នាល CamDigiKey ក្នុងប្រព័ន្ធបញ្ជរតែមួយជាតិ ចាប់ពីចាប់ពីថ្ងៃទី៧ ខែកក្កដា ឆ្នាំ២០២៥ តទៅ។ នេះបើតាមសេចក្តីជូនដំណឹងរបស់ អគ្គនាយកដ្ឋានគយ និងរដ្ឋាករកម្ពុជា។

ដើម្បីចូលរួមប្រើប្រាស់មុខងារខាងលើ ឱ្យមានមានប្រសិទ្ធភាព អគ្គនាយកដ្ឋានគយនិងរដ្ឋាករកម្ពុជា ណែនាំឱ្យសាធារណជន ដែលមានគណនីប្រើប្រាស់ប្រព័ន្ធបញ្ជរតែមួយជាតិ អាចស្វែងយល់អំពីការប្រើប្រាស់បន្ថែម តាមរយៈសៀវភៅមគ្គទេសក៍ ដែលអាចទាញយកបាន ក្នុងគេហទំព័រផ្លូវការរបស់ប្រព័ន្ធបញ្ជរតែមួយជាតិ៕