ភ្នំពេញ៖ ការកើនឡើងនៃ Generative AI ជំនាន់ថ្មីបានធ្វើឱ្យមនុស្សកាន់តែមានភាពងាយស្រួលក្នុងការបង្កើតមាតិកាផ្សេងៗ ជាពិសេសមាតិកាបែបវីដេអូ ដែលធ្វើឱ្យមនុស្សជាច្រើនបានលើកឡើងពីការព្រួយបារម្ភអំពីសក្តានុពលនៃព័ត៌មានមិនពិត ការរំលោភលើសិទ្ធិអ្នកនិពន្ធ និងហានិភ័យសុវត្ថិភាពលើប្រព័ន្ធអ៊ីនធឺណិត ដែលជាហេតុធ្វើឱ្យក្រុមហ៊ុន YouTube បានសម្រេចប្រកាសថា ខ្លួននឹងបញ្ឈប់ការផ្តល់ប្រាក់ចំណូលលើមាតិកាដែលបង្កើតដោយ AI ចាប់ពីថ្ងៃទី១៥ ខែកក្កដា ឆ្នាំ២០២៥ នេះតទៅ។

ការបញ្ឈប់ការផ្តល់ប្រាក់ចំណូលលើមាតិកាដែលបង្កើតដោយ AI នេះ ត្រូវបានរចនាឡើង ដើម្បីដោះស្រាយកង្វល់ដែលកំពុងកើនឡើងអំពីផលប៉ះពាល់លើភាពត្រឹមត្រូវ គុណភាព និងសីលធម៌នៃប្រព័ន្ធផ្សព្វផ្សាយនៅលើថ្នាលនេះផងដែរ។

គួរបញ្ជាក់ថា Generative AI ជំនាន់ថ្មី បានផ្តល់ភាពច្នៃប្រឌិត និងភាពងាយស្រួល ប៉ុន្តែក៏បានបង្កជាបញ្ហាប្រឈមជាច្រើនដល់ការផលិតមាតិកា ដូចជា បញ្ហាគុណភាពវីដេអូ, បង្កើតការយល់ច្រឡំ, បង្កើតព័ត៌មានមិនពិត ឬព័ត៌មានប្រឌិតទាំងស្រុងផងដែរ៕