ភ្នំពេញ៖ សហគមន៍កសិកម្មទំនើបដំបូងសម្រាប់ដំណាំមៀនប៉ៃលិន ត្រូវបានបង្កើតឡើងជាផ្លូវការនៅក្នុងខេត្តប៉ៃលិន កាលពីថ្ងៃទី១៤ ខែមករា ឆ្នាំ២០២៦ ជាមួយនឹងការចុះកិច្ចសន្យាទំហំជាង ៥លានដុល្លារ ជាមួយក្រុមហ៊ុននាំចេញមៀនចំនួន៤។

សហគមន៍កសិកម្មទំនើបមៀនប៉ៃលិន មានសមាជិក ៨៦គ្រួសារ មានផ្ទៃដីដាំដុះ ៦០០ហិកតា បរិមាណផលសរុបរង្វង់ ៦០០០តោន ក្នុងមួយឆ្នាំ មានក្រុមប្រឹក្សាភិបាល ៥រូប គណៈត្រួតពិនិត្យ ៣រូប និងផលិតកម្មកសិកម្មតាមកិច្ចសន្យាក្នុងតម្លៃកំណត់ទុកជាមុន។ នេះបើតាមការលើកឡើងរបស់ ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យ ក្រសួងកសិកម្មរុក្ខាប្រមាញ់ និងនេសាទ៕