ភ្នំពេញ៖ ឯកឧត្ត ប៉ែនធីរុង្គ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ពិនិត្យវឌ្ឍនភាពនៃសហគមន៍ទំនើបចំនួន២ នៅក្នុងខេត្តតាកែវ គឺសហគមន៍បន្លែផ្ទះសំណាញ់ត្រាំកក់ និងសហគមន៍មាន់ស្រែ-បន្លែសុវត្ថិភាពអូរផុត នាថ្ងៃទី១៧ ខែមករា ឆ្នាំ២០២៦។

សហគមន៍បន្លែផ្ទះសំណាញ់ត្រាំកក់ និងសហគមន៍មាន់ស្រែ-បន្លែសុវត្ថិភាពអូរផុត សុទ្ធសឹងតែជាសហគមន៍មានសក្តានុពលខ្ពស់ ដែលទទួលបានការគាំទ្រជាជំនួយឥតសំណង និងការវិនិយោគទ្រង់ទ្រាយធំលើផ្នែកហេដ្ឋារចនាសម្ព័ន្ធពីគម្រោងពិពិធកម្មកសិកម្មកម្ពុជា (CASDP) ក្នុងទំហំរាប់លានដុល្លារ រួចមកហើយរហូតមកដល់ពេលនេះ ហើយដែលបាននិងកំពុងផ្តល់ផលប្រយោជន៍ជាច្រើនដល់ជីវភាពប្រចាំថ្ងៃរបស់បងប្អូនកសិករទាំងនៅខាងក្រៅនិងនៅក្នុងសហគមន៍។ នេះបើតាមការលើកឡើងរបស់ ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យ ក្រសួងកសិកម្ម រុក្ខាប្រមាញ់ និងនេសាទ៕