ភ្នំពេញ៖ កម្ពុជា និងហុងគ្រី ពិភាក្សាលើការពង្រឹងកិច្ចសហប្រតិបត្តិការពាណិជ្ជកម្ម តាមរយៈការផ្គូផ្គងធុរកិច្ចរវាងវិស័យឯកជននៃភាគីទាំងពីរ ក្រោមក្របខណ្ឌគណៈកម្មការសេដ្ឋកិច្ចចម្រុះរវាងកម្ពុជា-ហុងគ្រី និងស្វែងរកកាលានុវត្តភាពថ្មីៗក្នុងវិស័យសក្តានុពល ជាពិសេសការនាំចូលផលិតផលធ្វើពីទឹកដោះគោចូលកម្ពុជា។

កិច្ចពិភាក្សានេះ ធ្វើឡើងរវាង ឯកឧត្តម ឡុង កែមវិចិត្រ អគ្គនាយកនៃអគ្គនាយកដ្ឋានពាណិជ្ជកម្មអន្តរជាតិ និង លោក István Bakos ភារៈធារីនៃការិយាល័យតំណាងស្ថានទូតហុងគ្រីនៅភ្នំពេញ ព្រមទាំងមានការចូលរួមពីមន្រ្តីជំនាញពាក់ព័ន្ធមកពីក្រសួងពាណិជ្ជកម្ម, តំណាងក្រសួងកសិកម្ម រុក្ខាប្រមាញ់ និងនេសាទ, ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងអគ្គនាយកដ្ឋានគយ និងរដ្ឋាករកម្ពុជា នៃក្រសួងសេដ្ឋកិច្ចនិងហិរញ្ញវត្ថុ កាលពីថ្ងៃទី៣០ ខែមករា ឆ្នាំ២០២៦ នៅទីស្ដីការក្រសួងពាណិជ្ជកម្ម៕