ភ្នំពេញ៖ ក្នុងរយៈពេលមួយឆ្នាំ នៃឆ្នាំ២០២៥ តម្លៃបរិមាណផលិតផល ដែលបាននាំចេញមានចំនួន ៩ ៩២៦,៦លានដុល្លារ ដោយមានការថយចុះជាង ១ ៣៣១,៥លានដុល្លារ ស្មើនឹង ១១,៨៣% បើប្រៀបធៀបទៅនឹងឆ្នាំ២០២៤។ 

តាមរបាយការណ៍លទ្ធផលការងារឆ្នាំ២០២៥ និងទិសដៅការងារឆ្នាំ២០២៦ បានឱ្យដឹងថា ឆ្នាំ២០២៥នេះ តម្លៃបរិមាណផលិតផលបម្រើទីផ្សារក្នុងស្រុក និងសម្រាប់ធ្វើការនាំចេញ សរុបមានចំនួនជាង ១៣ ៥៨៣ លានដុល្លារ ដែលមានការថយចុះចំនួនជាង ១ ៥៦៦លានដុល្លារ ស្មើនឹង ១០,៣៤% បើធៀបទៅនឹងឆ្នាំ២០២៤។ 

ជាមួយគ្នានេះ តម្លៃបរិមាណផលិតផលក្នុងស្រុក មានចំនួនជាង ៣ ៦៥៦,៧លានដុល្លារ មានការថយចុះចំនួនជាង ២៣៤,៥លានដុល្លារ ស្មើនឹង ៦,០៣% បើប្រៀបធៀបទៅនឹងឆ្នាំ២០២៤។ ចំពោះ ទុនវិនិយោគវិញ ក្នុងឆ្នាំ២០២៥ នេះ មានទំហំសរុបជាង ២៥ ១៦៨លានដុល្លារ មានការកើនឡើងចំនួនជាង ៤ ៧១១លានដុល្លារ ស្មើនឹង ២៣,០៣% បើធៀបទៅនឹងឆ្នាំ២០២៤ ក្នុងនោះ ទុនវិនិយោគក្នុងស្រុកមានចំនួនជាង ៣ ៩០៦លានដុល្លារ ស្មើនឹង ១៥,៥២% នៃទុនវិនិយោគសរុប៕