ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ បានរៀបចំវេទិកាការងារ សន្តិសុខសង្គម និងបណ្តុះបណ្តាលវិជ្ជាជីវៈ នាំយកឱកាសការងារ ៨៣ ៧៤៣កន្លែង សម្រាប់អ្នកខេត្តពោធិ៍សាត់ នៅថ្ងៃទី២៨ ខែកុម្ភៈ និងថ្ងៃទី១ ខែមីនា ខាងមុខនេះ។

ចំពោះ អតីតពលករដែលវិលត្រឡប់មកកម្ពុជាវិញ យុវជន និងអ្នកស្វែងរកការងារ អាចដាក់ពាក្យ និងសម្ភាសការងារភ្លាមៗផ្ទាល់នៅទីតាំងទាំង ២ ចាប់ពីម៉ោង ៨ព្រឹក ដល់ម៉ោង ៣រសៀល ដូចជា៖ ទី១. ថ្ងៃទី២៨ ខែកុម្ភៈ ឆ្នាំ២០២៦ នៅខេត្តពោធិ៍សាត់ ស្រុកកណ្តៀង នៅក្នុងបរិវេណវិទ្យាល័យ ហ៊ុន សែន កណ្តៀង និងទី២. ថ្ងៃទី១ ខែមីនា ឆ្នាំ២០២៦ នៅស្រុកក្រគរ នៅក្នុងបរិវេណសាលាស្រុកក្រគរ។

គួរបញ្ជាក់ថា អតីតពលករដែលមានបំណងស្វែងរកការងារ នឹងទទួលបាន «ការដឹកជញ្ជូនចូលរួមកម្មវិធី អាហារ និងភេសជ្ជៈ» ដោយឥតគិតថ្លៃ រីឯព័ត៌មានបន្ថែមអាចទាក់ទងមកលេខទូរស័ព្ទ ១២៩៧៕