ភ្នំពេញ៖ មន្ទីរទេសចរណ៍ខេត្តព្រះសីហនុ ទទួលស្វាគមន៍យ៉ាងកក់ក្តៅដល់ភ្ញៀវទេសចរចំនួន ៥២៩នាក់ ចុះពីនាវាទេសចរណ៍ឈ្មោះ SEABOURN ENCORE សញ្ជាតិ BAHAMAS ដែលបានចូលចតនៅកំពង់ផែស្វយ័តក្រុងព្រះសីហនុដោយសុវត្ថិភាព នាថ្ងៃទី២៤ ខែកុម្ភៈ ឆ្នាំ២០២៦ ក្រោមការចង្អុលបង្ហាញពី ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍។

នាវាទេសចរណ៍ SEABOURN ENCORE សញ្ជាតិ BAHAMAS នេះ មានបណ្ដោយប្រវែង ២១០.៥០ម៉ែត្រ និងទទឹងប្រវែង២៨ម៉ែត្រ ជម្រៅ៦ម៉ែត្រ។ បើតាមការចុះផ្សាយរបស់ក្រសួងទេសចរណ៍ នាឱកាសនោះ មន្ទីរទេសចរណ៍ខេត្តព្រះសីហនុ ក៏បានចង្អុលណែនាំអំពីតំបន់សក្តានុពលទេសចរណ៍សំខាន់ៗរបស់ខេត្តព្រះសីហនុ ដល់ភ្ញៀវទេសចរផងដែរ៕