ភ្នំពេញ៖ ក្រសួងសាធារណការ និងដឹកជញ្ជូន ប្រកាសដាក់ឱ្យប្រើប្រាស់ជាផ្លូវការ ការស្នើសុំបន្តសុពលភាពត្រួតពិនិត្យលក្ខណៈបច្ចេកទេសយានជំនិះ (ឆៀក) តាមធនាគារដៃគូ ការស្នើសុំ វិក្កយបត្រឌីជីថល និងការស្នើសុំអាជ្ញាបណ្ណផ្លូវថ្នល់ តាមរយៈប្រព័ន្ធស្វ័យប្រវត្តិកម្ម ចាប់ពីថ្ងៃទី៣ ខែកញ្ញា ឆ្នាំ២០២៦ នេះតទៅ។

ក្រសួងសាធារណការ បញ្ជាក់ថា ការប្រើប្រាស់ប្រព័ន្ធស្វ័យប្រវត្តិកម្មខាងលើនេះ មានគោលដៅលើកកម្ពស់គុណភាពសេវាសាធារណៈ របស់ក្រសួងឱ្យកាន់តែមានភាពល្អប្រសើរ ដោយបង្ខិតសេវាទៅជិតសាធារណជន ចំណេញពេលវេលា ផ្តល់ភាពងាយស្រួល ក្នុងការប្រើប្រាស់ និងទូទាត់កម្រៃសេវាតាមប្រព័ន្ធអេឡិចត្រូនិកប្រកបដោយតម្លាភាព និងសុវត្ថិភាពខ្ពស់។

ក្នុងករណីមានចម្ងល់ ឬព័ត៌មានបន្ថែម ប្រជាពលរដ្ឋអាចទំនាក់ទំនងទៅកាន់លេខទូរសព្ទ HOTLINE "1275" ដោយ ឥតគិតថ្លៃរៀងរាល់ម៉ោងធ្វើការ។ នេះបើយោងតាមសេចក្តីជូនដំណឹងរបស់ ក្រសួងសាធារណការ និងដឹកជញ្ជូន នាព្រឹកថ្ងៃទី៣ កញ្ញា ២០២៦៕