ភ្នំពេញ៖ ក្រសួងព័ត៌មាន នឹងសហការជាមួយក្រសួងស្ថាប័នមានសមត្ថកិច្ច ចាត់វិធានការតាមនីតិវិធីច្បាប់ចំពោះម្ចាស់ក្រុមហ៊ុន ភ្នាក់ងារនាំចូល និងចែកចាយឧបករណ៍ទទួលស៊ីញ៉ាល់ទូរទស្សន៍ឌីជីថល STB (Set Top-Box), ថាសទូរទស្សន៍ផ្កាយរណប និងឧបករណ៍ TV Box និង TV Chip ដែលមិនមកបំពេញសំណុំបែបបទស្នើសុំធ្វើអាជីវកម្មក្រសួងព័ត៌មាន តាមកំណត់។

បើតាមក្រសួងព័ត៌មាន ពាក់ព័ន្ធនឹងការបំពេញសំណុំបែបបទស្នើសុំធ្វើអាជីវកម្មនេះ ម្ចាស់អាជីវកម្ម អាចស្នើសុំនៅការិយាល័យច្រកចេញចូលតែមួយ របស់ក្រសួងព័ត៌មាន រៀងរាល់ម៉ោងធ្វើការ ពីថ្ងៃចន្ទ ដល់ថ្ងៃសុក្រ ត្រឹមថ្ងៃទី៣ ខែមីនា ឆ្នាំ២០២៥ ជាកំហិត។ ក្រសួងព័ត៌មាន បញ្ជាក់ថា ការធ្វើអាជីវកម្មគ្មានការអនុញ្ញាតពីក្រសួងព័ត៌មាននេះ បានធ្វើឱ្យប៉ះពាល់សណ្តាប់ធ្នាប់ លើធ្វើអាជីវកម្មលើវិស័យព័ត៌មាន និងសោតទស្សន៍ ដែលធ្វើឱ្យមានការប្រកួតប្រជែងមិនសុចរិត និងសន្តិសុខជាតិផងដែរ៕