ភ្នំពេញ៖ ក្រសួងទេសចរណ៍ និងក្រុមហ៊ុន Pravinya ចុះអនុស្សរណៈនៃការយោគយល់គ្នា (MoU) ផ្តោតសំខាន់ទៅលើការចូលរួមបរិវត្តកម្មឌីជីថល ដែលសហការក្នុងការអភិវឌ្ឍកម្មវិធីក្នុងវិស័យទេសចរណ៍។ នេះបើតាមការចុះផ្សាយសរបស់ក្រសួងទេសចរណ៍ កាលថ្ងៃទី១២ ខែកុម្ភៈ ឆ្នាំ២០២៥។

តាមរយៈ MoU នេះ ថ្នាលឌីជីថលសម្រាប់ប្រើប្រាស់នៅក្រសួងទេសចរណ៍ ភាគីទាំងពីរ ក៏នឹងសហការក្នុងការអភិវឌ្ឍថ្នាលឌីជីថលសម្រាប់ប្រើប្រាស់នៅក្រសួងទេសចរណ៍។ MoU នេះ ត្រូវបានចុះហត្ថលេខា ដោយ ឯកឧត្តម នាង ម៉ៅ រដ្ឋលេខាធិការក្រសួងទេសចរណ៍ និងលោកស្រី មាស សុភារ័ត្ន ប្រធានក្រុមប្រឹក្សាភិបាលក្រុមហ៊ុន Pravinya នៅទីស្តីការក្រសួងទេសចរណ៍ ក្រោមអធិបតីភាព ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍៕