ភ្នំពេញ៖ ក្រុមហ៊ុនកាត់ដេរ Nanchang Shunmin បង្ហាញចំណាប់អារម្មណ៍ និងពិនិត្យលទ្ធភាពក្នុងការបើករោងចក្រកាត់ដេរនៅតំបន់សេដ្ឋកិច្ចពិសេសមួយចំនួននៅកម្ពុជា ដូចជា តំបន់សេដ្ឋកិច្ចពិសេសភ្នំពេញ តំបន់សេដ្ឋកិច្ចពិសេសខេត្តព្រះសីហនុ និងតំបន់សេដ្ឋកិច្ចពិសេសមហាថេនខេត្តស្វាយរៀងជាដើម។ នេះបើតាមការចុះផ្សាយរបស់ក្រសួងពាណិជ្ជកម្ម នាថ្ងៃទី២៨ ខែមីនា ឆ្នាំ២០២៥។

ការបង្ហាញចំណាប់អារម្មណ៍នេះ ធ្វើឡើងក្នុងជំនួបរវាងលោក គង់ ពុទ្ធារ៉ា អនុព័ន្ធពាណិជ្ជកម្មកម្ពុជាប្រចាំទីក្រុងប៉េកាំង ប្រទេសចិន ជាមួយក្រុមហ៊ុនកាត់ដេរ Nanchang Shunmin ដើម្បីស្វែងយល់ពីឱកាសវិនិយោគ និងធ្វើពាណិជ្ជកម្មនៅកម្ពុជា៕