ភ្នំពេញ៖ បច្ចុប្បន្ន QR កូដកំពុងត្រូវបានប្រើប្រាស់យ៉ាងទូលំទូលាយ មិនថាជាវិធីសាស្រ្តផ្សាភ្ជាប់ទៅបណ្ដាញណាមួយ ឬសូម្បីតែការទូទាត់ប្រាក់នោះទេ។ ចំពោះ QR កូដទាំងអស់ ពិតជាមានសុវត្ថិភាពមែនឬក៏យ៉ាងណា។

គេហទំព័រកម្ពុជាឆ្ពោះទៅឌីជីថល បានបញ្ជាក់ថា QR កូដទាំងអស់ មិនមែនសុទ្ធតែមានសុវត្ថិភាពនោះទេ ព្រោះជនខិលខូចខ្លះ អាចប្រើប្រាស់ QR កូដដើម្បីបន្លំឱ្យអ្នកស្កេនក្នុងគោលបំណងដំឡើងមេរោគ តាមដានសកម្មភាពអនឡាញ និងទាញយកទិន្នន័យ។

QR កូដ គឺមានសុវត្ថិភាព គ្មានអ្វីគួរឱ្យព្រួយបារម្ភនោះទេ ប៉ុន្តែអ្នកមិនគួរស្កេន QR កូដ ដែលអ្នកមិនស្គាល់ប្រភព មិនថានៅក្នុងទីសាធារណៈ ឬនៅលើអនឡាញនោះទេ៕